SEB MAYA HAI

sub maya he, sub dhalti phirti chaya he,
is ishq mein hum ne jo khoya jo paya he,
jo tum ne kaha he, Faiz ne jo farmaya he,
Sub maya he
jis gori per hum ek ghazal her shaam likhen,
tum jaantay ho hum kyunker us ka naam likhen,
dil us ki bhi chokhat choom ke wapis aya he,
Sub maya he,
woh larki bhi chaand nagar ki rani thee,
woh jis ki alhar aankhon mein herani thee,
aaj us ne bhi paigham yehi pohnchaya he,
Sub maya he,
jo log abhi tak naam wafa ka laitay hein,
woh jaan ke dhokay khatay hein dhokay detay hein,
haan thok baja ker hum ne jo hukum lagaya he,
Sub maya he,
jab dekh liya her shakhs yahan herjai he,
is shehar se door ek kutya hum ne banaye he,
or us kutya ke maathay per likhwaya he,
Sub maya he.